Abi 小公主

16.03.2013 ~ Abi 小公主

等左一星期，今日又可以去探孫女，做左指定的動作，入到房見到 Abi 面向左邊（牆），望住她叫 Abi ，眼仔碌碌眼定定，好似係（稔）(day dreaming) (day dreaming)緊呢兩位係邊位?? 同佢傾計唱歌仔，有少少反應，伸手指比佢握住都有D力，個樣又唔同左，爺爺摸她的頭仔叫她乖乖，佢識得扁咀喊，搞到我地都想喊。時間到了要離開，返家煮食。
亞仔新抱睇完囡囡之後話唔返來食，『想去買D玩具比囡囡，點知老婆見到D玩具突然喊起來，連我都喊埋』事後亞仔話我知。
可憐的小人兒，你幾時才可以自己拎住D玩具？
嫲嫲我偷偷地映左你3張相，一張係你有針孔的一對小手，兩張係你有氣罩的，只見你眼睛望着鏡頭，眼神像期望些什麼似的…四月半大的小人兒，你是否已知道自己的病情嗎?
你知道嫲嫲好傷心好難過嗎，時時偷偷的喊……
只是難為了你爸媽，他們不曾想過放棄你，希望你要努力。