今晚食乜餸?就係呢D

今晚食乜餸?就係呢D

手撕雞,豆醬炆茄子,炒干魷




呢個菲姐原本最主要係照顧 Abi，但自從 Abi 2月1日入左醫院留醫後，佢提出想辭工，新抱叫佢自己想幾時離職就寫封信交來；等左成個星期都冇，大家仲覺得佢變得好懶，除左一般清潔外，就整天入左房。話講番轉頭佢真係冇乜禮貎，good morning都冇，就算我叫先佢都冇回應，年卅晚係佢放假日，年初一早就識講「恭喜發財」不知幾正，跟住整天入左房，最離譜有一日我返到屋企見枱面有一菓籃，我問佢邊個攞係度，佢話唔知，我地買完餸開門人屋佢係房入面都唔出來幫手，我係廚房處理晚飯的食材，佢出來望幾眼就閃左去，佢唔啋我就算，連我新抱自己去煮早餐佢都唔理，今早就用8千幾元送走菲姐之前，新抱數佢的不是……佢話呢度治安好，唔使睇門而且佢聽唔到有人入屋；唔幫我手做餸佢係覺得我處理到；嬲到我新抱叫佢收完錢即走。