28.02.2013 ~ 小Abi 爸爸今天探完女兒後發佈

28.02.2013 ~ 小Abi 爸爸今天探完女兒後發佈

小Abi 爸爸今天探完女兒後發佈：

 

小Abi今天見到她喜歡的雪人玩具，眼睛定定地望着。

好像很久没見到她自己的玩具了 。 拿着一會兒便睡着。

醫生護仕們都很熟悉這位小妹妹的脾性。

不竟大家都相處了差不多一個月。

 

外科醫生今天向我們講解Abi，進行的手術，

大概用多少時間，難度及手術的作用。

做完手術後，相對日後肺炎及胃酸倒流的機會也減低。

食奶也會容易了。

當然小小年紀要進行手術，的確令人感到不安。

 

Abi,爸爸媽媽為你感到驕傲，你每天都在努力。

眼睛仍然是神氣十足。加油！

27.02.2013 ~ 彈弓手指打針

27.02.2013 ~ 打針

發覺做左5次針炙效果都係強差人意，時鬆時實……都唔係辦法，
下午去左睇西醫的骨科張醫生，問點解咁遲先來睇?
而家筋膜硬左難搞d，有兩方法 ~
先試打針看三星期後如何，
如果未能解決就要開刀將硬左嘅筋膜割去。唉………

晩飯去左麗閣 同U3A委員、老師及義工食飯，
今晩一別大家未能再聚……可惜

亞仔新抱今晩探女，影左d相及一小段影片…睇得我好心痛
亞仔話下星期 Abi 應該會做一個手術，
係在肚皮胃的位置開一個造口用來吊奶餵食，
代替用膠管從口放入胃。
朋友們好關心我地，好多謝大家。

26.02.2013 ~ 每天等運到

26.02.2013 ~ 每天等運到

菲菲走左幾天，大家生活照常過，屋企有d亂，

手指痛針左五次都唔係好掂，惟有慢慢來。

孫女的情况係點?每天都係等亞仔回報，

睇番 Abi d相眼淚係咁流。

2012 年 11月 28日影

今晚食乜餸?就係呢D

今晚食乜餸?就係呢D

手撕雞,豆醬炆茄子,炒干魷




呢個菲姐原本最主要係照顧 Abi，但自從 Abi 2月1日入左醫院留醫後，佢提出想辭工，新抱叫佢自己想幾時離職就寫封信交來；等左成個星期都冇，大家仲覺得佢變得好懶，除左一般清潔外，就整天入左房。話講番轉頭佢真係冇乜禮貎，good morning都冇，就算我叫先佢都冇回應，年卅晚係佢放假日，年初一早就識講「恭喜發財」不知幾正，跟住整天入左房，最離譜有一日我返到屋企見枱面有一菓籃，我問佢邊個攞係度，佢話唔知，我地買完餸開門人屋佢係房入面都唔出來幫手，我係廚房處理晚飯的食材，佢出來望幾眼就閃左去，佢唔啋我就算，連我新抱自己去煮早餐佢都唔理，今早就用8千幾元送走菲姐之前，新抱數佢的不是……佢話呢度治安好，唔使睇門而且佢聽唔到有人入屋；唔幫我手做餸佢係覺得我處理到；嬲到我新抱叫佢收完錢即走。

22.02.2013 ~ 媽媽抱到女兒

22.02.2013 ~ 媽媽抱到女兒

大家雖然好難過但也要接受現實，生活還是要過，

亞仔同新抱趁午餐時段探女兒，放工後又再往醫院跑，

珍取每分每秒相聚時刻。

亞仔在　ＦＢ　發報：
Abi 今天已把左邊排氣喉拔掉。同時醫生也再把呼吸機的壓力降低。 十八天在ICU 的日子，首次給媽媽抱住，Abi 也在哇哇大哭，似是哭訴很掛住媽媽抱着的日子。 Hilda也替她修剪腳趾甲。醫生也讚Abi努力不懈，天天進步。護仕們，物理治療師，職業治療師也細心地協助Abi.期待下星期返回普通病房。
這麽多天在廣華醫院出入，我對公立醫院的協助有點無言感激。新抱在　ＦＢ　發報：

Lunch探完Abi帶回來的。Cute.
Chest drain 已removed.成個月冇抱過個女，今日終於抱番佢，嗰一刻真係好感動，感動到流淚。Abi有望下星期出番普通病房，到時可以見番多d人。

☆☆☆☆☆
今日我又上民歌堂，其實冇乜心情，但好過坐係屋企，
返到去D同學唔敢點問我，下課冇同大家食午飯，急急返家。

21.02.2013 ~ 小小希望

01.02.2013

從孫女入左醫院，心一直都好難過，

大家都幫唔到佢，

我地又睇唔到佢，點解只可以爸媽入去?

每次係亞仔回報情況，想起都喊。

◎◎◎◎◎◎

亞仔今日係　ＦＢ發報

大家好，

Abi 氣胸情况已經大大改善。

右邊排氣喉已經拔掉。左邊也準備明天22日拔掉。

然後觀察兩三天就可以離開ICU.返回普通病房。

路還是會艱苦的，小Abi仍然堅持，等待醫學上的突破。

◎◎◎◎◎◎◎

今日Wechannel 在麗閣開會，

點知入錯左地點……去左竹園，個人好似遊魂咁。

暫時有活動都未敢去。等下星期再算……

下午３時約左針炙，又拮左10針，唉………